Og kjærleiken blomstra på AMFI-senteret
Bjørnafjordingane var rause med å visa kvarandre si kjærleik då Os & Fusaposten inviterte til hjarte-bilete på AMFI Os fredag.
Me hadde førebudd oss godt til kjærleikens dag i Os & Fusaposten. Med fersk kjærleiksavis på 44 sider, ein solid ladning med raude vaffelhjarte og hjarteforma foto-ramme for foreving av kjærleiken, låg me all vår blygsel til sides og gjekk for full, sukkersøt feiring.
53 år i saman
Og sjølv om det for ein del forbipasserande var rimeleg uaktuelt å ta dei to trinna opp på scenen og stilla seg i ramma, var det faktisk overraskande mange som vågde hoppa i det. Og medan mor/dotter, dotter/mor, kjæraste/kjæraste, mann/kvinne og kompis/kompis lét seg foreviga i den spesiallaga hjarterammen frå ASVO Os, gjekk vaffelhjartane og våre fargerike kjærleike på pinne som vartmt kveitebrød på standen.
Yngste paret me foreviga, Lena og Espen Nordeide, hadde vore gift i fem år. Eldste paret, Ivar og Lill Søvik kunne skilta med å ha hatt kjærastestatus på i 53 år, og ha vore gift i 45.
Fastelavens-damer og bergensarar
Os Sanitetsforening hadde stand like ved og var sjølvsagt med på å feira kjærleiken med oss. Spreke Elsa Marie Lyssand og Inghild K. Raustein tok sine fargerike fastelavansris bort til scenen og lyste opp i hjartebogen i sentrum av senteret.
Bilete 1 av 16
Staben forevigar standen: Også våre eigne måtte ta nokre selfies på fredag.Bilete 2 av 16
Happy parr: Odd Gunnar Lunde og Jorunn Lunde feira kjærleikens dag med oss.Bilete 3 av 16
Veninne-kyss: Hannah Øvreeide og Angelica Marie Rognø foreviga veninne-kjærleiken.Bilete 4 av 16
Kompis-kjærleik: Nicholas Bruarøy og Konrad Benjamin Storlid foreviga kameratskapen.Bilete 5 av 16
Slengkyss: Malene Nordgård og Ina Marie Gjerde Aadland valde den ellegante slengkyss-varianten.Bilete 6 av 16
Mor og dotter-kjærleik: Anne Marie Aarøen Vangsnes kyssar si kjære dotter Jenny Bjarnedotter Vangsnes.Bilete 7 av 16
Fastelavens-kjærleik: Elsa Marie Lyssand og InhildK. Rausten elsker å gjera dugnadsarbeid til inntekt for gode saker.Bilete 8 av 16
Fem år med ring: Lena og Espen Nordeide har vore gift i fem år og er framleis like lykkeleg som då dei gifta seg.Bilete 9 av 16
Ina Marie med endå ei kjær veninne.Bilete 10 av 16
Gode veninne: Clara Vangsnes og Anne Linn ØyeBilete 11 av 16
Mor-dotter-kjærleik: Martine (7) og mama Lene Noss.Bilete 12 av 16
Veninne-trio: Lykke Overå, Ingrid H. Vik og Sann Ognøy er glade i kvarandre.Bilete 13 av 16
Mor og sonane: Cathrine Wikeby med sonane Richard og Chris André.Bilete 14 av 16
Lukkeleg par: Emanuel Merchant og Mirana Bakkebø frå Tysnes er par i hjarte.Bilete 15 av 16
Kjærleiks-suss: Julie Borge gjev Sara-Helene Nordang ein god kjærleiks-suss på kinnet.Bilete 16 av 16
Ein tanke til dei single: Frøya Eriksson offrar ei tanke til dei som er single.– Kva gjer me ikkje for å selja fastelavens for ein god sak, lo Elsa Marie og Inhild etter å ha solt seg i spotlighten.
For litt moro var det også, måtte dei vedgå.
Eit knippe bergensfødde pensjonistar tok seg også god tid ved Lokalavisas stand. Dei berre elska grepet med å gjera ein heil avis til ein kjærleiksavis.
Dei sympatiske bergensarane delte raust med bergenshistorier, frå tida då folk møttast til dans, kjærleik og feiring, utan at det ein gong var noko å feira.
– Eg saknar den spontane samankomsten. Den kan me ha meir av, sa mannen med dagens desidert tøffaste hatt.
