Sondre Lerche startar turneen i Oseana

Oseana lanserer neste års storkonsert. 21. januar startar Sondre Lerche noregsturneen sin i kunst- og kultursenteret sin storsal.

- Dette vert stor stas. Her snakkar vi flatt golv og 1.000 ståande publikummarar, slik som den komande Sivert Høyem-konserten og vårsesongens Aurora-konsert, seier ein entusiastisk Janne Mari Hjelle ved Oseana.

Sondre Lerche som har rukke å bli 34 år, gjorde seg tidleg bemerka i musikkmiljøet i Bergen. 16 år gamal skreiv han sin fyrste platekontrakt, og debutalbumet Faces Down kom i 2001.

Albumet blei raskt utgitt i store delar av Europa og Asia. Plata vart raskt ein sals-, og kritikarsuksess og Lerche mottok to Spellemann-nominasjonar og vann trofeet for Årets nykomar i tillegg til nominasjonen i klassen Popsolist.

Albumet selte til gull, og Rolling Stone Magazine inkluderte Faces Down blant årets ti beste debutalbum då det kom ut i USA hausten 2002.

Two Way Monologue kom ut vinteren 2004. Det resulterte i nok en Spellemann-nominasjon i klassen Mannleg artist og endå ei gullplate. Dette blei også Lerches største albumsuksess i USA så langt, og nok ein gong turnerte Lerche verda over, med ekstra fokus på USA. Lerche blei nominert til «Beste nordiske artist» under MTV European Awards 2004 og opptredde på Kongsberg Jazzfestival og i lag med Kringkastingsorkestret på Nobels fredspris' konsert i Oslo desember 2004.

Vinteren 2005 flytta Lerche til New York for å skriva sitt neste album. Saman med Elvis Costello detok han på ein USA-turné. I tillegg samarbeidde Lerche med Raphael Saadiq.

Våren 2012 deltok han i tv-programmet The Voice på TV2 som ein av fire mentorar i den norske utgåva av songkonkurransen.

September 2014 gav han ut albumet Please og blei nominert til klassane Popsolist og Tekstforfatter under Spellemannprisen 2014.

- Lerche er ein artist som vanskeleg lar seg setja i bås. Sjangermessig kan han forsøksvis plasserast i klassen klassisk crooner med fengande poplåtar inspirert av 70-tallsrock, pønk og med elektroniske element. Som konsertartist er han energisk og svært karismatisk. Ein bør rett og slett få med seg denne mannen live, heiter det i pressemeldinga frå Oseana.