Legevakt og vaktlag på brannstasjonen i Eikelandsosen ER berekraft!
Det er heilt avgjerande at det vert teke grep no som sikrar framtidig legevakt og vaktlagordning på brannstasjonen i Eikelandsosen.
Berekraft er definert slik av FN: Ei utvikling som imøtekjem dagens behov utan å øydeleggja moglegheitene for at komande generasjonar skal få dekka sine behov.
Det er for oss i Bjørnafjorden Sp heilt avgjerande at det vert teke grep no som sikrar framtidig legevakt og vaktlagordning på brannstasjonen i Eikelandsosen. For oss er det berekraft! Noverande og komande innbyggjarar må ha legevakt og brannvaktslag.
Artikkelen held fram under annonsen.
I Frp/Høgre sitt framlegg til budsjett, er både legevakt og brannvaktlag tekne ut. Dei har teke med ei formulering om ROS-analyse og kompenserande tiltak. Men like fullt er sluttdatoen for avvikling av legevakta fastsett til 01.07.2024 i Frp og Høgre sitt budsjettframlegg.
I Senterparti-programmet for perioden 2023-2027 har vi som fyrste punkt i tema Helse og omsorg: Døgnope legevakttilbod på begge sider av fjorden.
Vi må lytte til innbyggjarane, leggja til rette for gode, levande bygder - samt sikra at eksisterande lokalt næringsliv har høve til å utvikla seg vidare.
Då treng vi gode, likeverdige helsetenester på begge sider av fjorden! Og vi treng ei vaktlagsordning som sikrar at det er folk til å rykkja ut når ulukker skjer.
Vi stiller sjølvsagt opp når Fusabrølet arrangerer folkeaksjon i Eikelandsosen søndag!
Vi vonar alle partia i Bjørnafjorden tek turen, og ikkje minst at partia i budsjettdebatten i kommunestyret torsdag 14.12 kan vera med og samla seg rundt eit vedtak der vi sikrar vidare drift av legevakt og brannvaktlag i Eikelandsosen
Terje Sperrevik
Hege Aase Tysnes
Artikkelen held fram under annonsen.
Kommunestyregruppa i Bjørnafjorden Senterparti
Gitle Berland
Dina Lervåg
Morten Vinsjansen
Hans Martin Leikvoll Eide
Kristina Tveit Osebakken
Loren F. Ditmarsen-Radecka
Helge Andersen
Artikkelen held fram under annonsen.
Vara-rekka Bjørnafjorden Senterparti
