Poengdeling i Rogaland

Det er lang kø på Halhjemsvegen fredag ettermiddag. Ein del av grunnen skuldast at mange bergenske musikarar frå ulike korps er på veg til NM for skulekorps i Stavanger.

Ein tipsar skriv til avisa at det for litt sidan var kø frå Halhjem ferjekai til Lepsøykrysset, og at det er tredje helga på rad med kø.

Klokka 22.43 torsdag fekk politiet melding om mindreårige som hadde fest i Sigurdsvika.

Ved Ulvenvatnet var det ifølgje politioverbetjent Knut Fjeld mykje ungdom.

– Politiet var på staden og fekk god støtte av natteramnar og foreldre. Ungdomane blei bedne om å rydda opp etter seg, skriv han i ei melding.

E39 Skogafjellstunnelen er opna igjen etter å ha vore stengd i eitt felt i sørgåande retning. Årsaka var ein bil som hadde mista eit hjul.

Det melder Vegtrafikksentralen på X kl. 10.11.

UP kontrollerte tysdag morgon ein mannleg bilførar i 50-åra. Han hadde ikkje gyldig føarrkort og vert meld for dette.

Begge hendelser tirsdag morgen.

Ein bilist i 20-åra mist tysdag morgon førarkortet på grunn av tre nye prikkar. Han vart målt til for høg fart i Lyshorntunnelen.

Os-damene hadde ikkje tapt heime sidan kampen mot Lyngbø i starten av april.

Det starta godt mot Førde i helga, då Lenea Fløysand gav Os leiinga etter 12 minutt.

Men i andreomgang snudde Førde kampen og Os tapte 1–2.

Med det ligg Os midt på tabellen før fredagens oppgjer mot Sotra – også den kampen er på heimebane.

Sommarferie ventar etter det oppgjeret, og damene skal ikkje i sving igjen før midt i august.

I helga reiste Os A-lag til Oslo for å møta Lyn 2. Det blei til slutt eit målrikt oppgjer på Austlandet.

Henrik Sperrevik kombinerte fint med Sebastian Plätzer til 0–1 etter 15 minutt spelt. Berre tre minutt etter utlikna heimelaget.

Daniel Kvalvågnes fekk sjansen til å gje Os leiinga igjen på straffespark, men keeper var kjapt nede og fekk stoppa forsøket.

I staden var det bortelaget som tok leiinga, etter at Vegard Leikvoll Moberg blei runda på hjørnet av 16-meteren, og markeringa glapp inne i feltet.

Så ville Kvalvågnes gjera opp for straffebommen. Først hælsparka han til Plätzer som skåra sitt andre for dagen. Tomålsskåraren var sentral då Os tok leiinga. Han snappa ballen utanfor 16-meteren til Os og fann så innbytar Håvard Vatland Karlsen som var sikker.

Kvalvågnes hadde eit par målgjevande til i seg denne dagen. Først med ein nydeleg langpasning, som fann spisskollega Karlsen. Han gjorde ingen feil aleine med keeper. Heilt på tampen kom Os på kontring og Kvalvågnes fann Buan inne framfor mål, og han fastsette resultatet til 2–5.

Torsdag og fredag førre veke var det hektisk møteverksemd i klubblokala til Lysekloster. Der sa klubben farvel til trenarane Ruben Hetlevik og Øyvind Nordtveit. Inn kom Tommy og Kjetil Knarvik.

Søndag leia dei laget for første gong, då Arendal kom på besøk på Lysekloster Sporty Arena.

Bortelaget fekk tidleg ein mann utvist, og måtte spela 75 minutt med ein mann mindre.

Ei avslutning frå Jacob Bolsø, via keeper og i mål, gav heimelaget leiinga etter 39 minutt.

Jonas Vågen auka for munkane etter 51 minutt spelt, med ei flott avslutning i lengste hjørnet.

På tampen gav Lysekloster bort eit straffespark, og reduseringa var eit faktum, men kampen enda med 2–1-siger.

Lysekloster klatra med det over nedrykksstreken.

Avvik frå rutetid grunna tekniske årsaker, skriv Torghatten Nord på heimesida si.

Innstillinga gjeld avgang frå Halhjem til Sandvikvåg klokka 09.20 og frå Sandvikvåg til Halhjem klokka 10.10

I 20-tida fredag stoppa politipatruljen eit køyretøy på Osøyro. Førar av bilen, ein mann i 20-åra, var etterlyst i Sverige og vart difor pågripen og sett i varetekt i påvente av Bergen tingrett si vurdering kring utlevering til Sverige, opplyser politiet i Bjørnafjorden og Austevoll i ein e-post til avisa.

Torsdag kveld kl. 23.11 fekk politiet melding om ein mann som gjekk i midt i vegen i 50-sona i Mobergssvingane.

Då melder ikkje såg han lenger, og det ikkje kom fleire meldingar, vart det ikkje sendt patrulje.

Mannen skal ha vore om lag 30 år og hadde på seg ei kvit T-skjorte.

Kl. 23.17 torsdag kveld kom det melding frå Industrivegen om stygg køyring av ein bil som mista kontrollen i ei rundkøyring. Vedkomande skal ha hatt høg fart og var nær på å krasja.

Oppdraget vart avslutta med "ikkje kapasitet".

Søndag skal ein bil på "søndagstur" ha blitt lagt merke til av andre trafikantar. Politiet fekk melding om vinglete køyring, og at bilen berre køyre i 60 km/t i 100-sona gjennom Lyshorntunnelen.

Bilen skal ha vore på veg nordover.

I ei melding til avisa opplyser politiet at patruljen rykte ut og la merke til at føraren køyrde sakte, men elles framstod alt greitt.

Laurdag kveld i 19-tida, fekk politiet melding om ein svært rusa ungdom under 18 år i Os sentrum.

– Då politiet kom gjorde vedkomande seg vanskeleg og utagerte. Han blei etter dette meld for forulemping av offentleg tenesteperson (politi), skriv politibetjent Marita Frotveit i ei melding til avisa.

Politibåten stansa ein ungdom ute i båt laurdag ettermiddag. Føraren var ifølgje politiet ein gut under 18 år, som ikkje hadde førarbevis. Politiet opplyser at han fekk pålegg om ikkje å køyra båt igjen før han hadde teke førarprøve. I tillegg fekk vedkomande eit førelegg etter hendinga.

Lysekloster har vore på tur til Rogaland i helga. I borteoppgjeret mot Sandnes Ulf fekk dei med seg eitt poeng.

I sosiale medium skriv klubben at det var fortent og at dei reiser heim med hovudet heva.

Munkane hadde tapt tre på rad før denne poengdelinga, og ligg på 13. plass i PostNord-ligaen.

Neste kamp går på Lysekloster Sporty Arena laurdag 31. mai. Då kjem Notodden på besøk.

Fagforbundet har i ettermiddag varsla KS og dei råka kommunane om eit eventuelt streikeuttak.

Det opplyser Fagforbundet Vestland i ei pressemelding.

Det er varsla at heile 8.700 medlemmer kan bli tekne ut i streik i kommuneoppgjeret.

Totalt er det tale om uttak av 838 medlemmer i Vestland i denne omgang.

Desse er fordelt slik på dei ulike kommunane:

Bergen kommune – 328

Øygarden kommune – 85

Kinn kommune – 83

Sunnfjord kommune – 37

Voss herad – 36

Årdal kommune – 46

Bjørnafjorden kommune – 39

Alver kommune – 42

Askøy kommune – 31

Kvinnherad kommune – 30

Stord kommune – 41

Ullensvang kommune – 40

Det skal ha vore eit mindre branntilløp på ei adresse i Os onsdag kveld.

Politiet opplyser at 110-sentralen melde at dei hadde rykt ut til ei adresse. Der skal det ha blitt stumpa ein sigarett i ein tørr potteplante.

– Dette førte til eit mindre branntilløp som igjen hadde spreia seg til terrassen. Om lag eit par kvadratmeter av terrassen blei påført brannskader. Brannen blei sløkt etter kort tid. Ingen skade på personar. Politiet har avhøyrd mistenkte og sak vert oppretta, opplyser operasjonsleiar Frode Kolltveit i Vest politidistrikt.

Ein mann i 40-åra frå Bergen er meldt og mista førarkortet etter å ha blitt stoppa av politiet natt til 17. mai.

Politiet opplyser å ha stansa mannen i ein bil i Industrivegen i 04.00-tida. Førar skal så ha blåst raudt, og blei teken med til legevakt for utvida blodprøve.