149 straumlause på Moberg
Aggregat er på veg, melder BKK etter at straumen gjekk litt over klokka sju i dag tidleg.
Berre fire veker etter førre straumstans, er området rundt Kolabakkane på Moberg igjen råka av straumstans.
– Aggregat vil vera på plass i løpet av ein til to timar. Etter det skal ikkje kundane merka nokon skilnad, seier kommunikasjonsrådgjevar i BKK, Anne Mette Tuvin
Artikkelen held fram under annonsen.
Nett som førre gong, er ein kabelfeil årsaka til straumbrotet.
– Vi må grava opp jordkabelen og få retta feilen, men det er vanskeleg å seia kor lang tid dette vil ta, seier Tuvin.
– Er det eit område med veldig slitt og gamalt utstyr sidan denne feilen oppstår med så kort tid mellom?
– Det kan eg ikkje svara på før eg har fått sjekka opp i det, svarer Tuvin.
anne-marie@osogfusa.no