Arbeidsulukke på byggjeplass i Os sentrum. Mann blei henta av ambulanse

Mann i 40-åra skal ha ramla i ei trapp.

Måndag formiddag klokka 12.20 fekk politiet melding om ei arbeidsulukke på ein byggjeplass i Os sentrum. Ulukka skal ha skjedd nokre timar tidlegare, kring klokka kvart på åtte, opplyser politioverbetjent Anne Lyssand i ein e-post.

— Dette skal ha skjedd i samband med støyping av ei trapp. Ein arbeidar, ein mann i 40-åra, ramla i trappa. Mannen blei henta i ambulanse og han fekk konstatert hjerneristing. Politiet gjorde undersøking på staden og det blei oppretta sak, skriv Lyssand.