Bed folk sikra lause gjenstandar
Vinden langs kysten i Hordaland er aukande. Politiet oppmodar folk om å sikra lause gjenstandar.
Politiet har fått inn fleire meldingar om velta tre i fylket vårt, og vinden er meldt å auka utover.
Skal løya
Meteorologisk institutt har sendt ut OBS-varsel for Vestlandet onsdag med liten til full storm på kysten og i fjellet.
Artikkelen held fram under annonsen.
Ifølgje yr.no og storm.no vert det stiv til sterk kuling store delar av dagen i Os med vind opp mot 19 meter i sekundet frå sør-søraust.
I løpet av natta og morgonen torsdag skal vinden ifølgje prognosane løya, og på kvelden nyttårsaftan er vindstyrken redusert til frisk bris og 11 m/s.
I Fusa ser ein ut til å liggja litt meir i ly for vinden. I dag vert det ifølgje yr.no frisk bris, medan det på den siste dagen i 2015 skiftar mellom lett og laber bris (4-7 m/s).
Når rakettane skal skytast opp, er det meldt om delvis skya ver og opplett - slik det ser ut no..
