Bekymra for utrykkingskøyretøy. Oppfordrar bilistar til å parkera med fornuft
Bebuarar melde frå om parkeringar som kan gjera det utfordrande for utrykkingskøyretøy.
Ca kl 15.00 tysdag fekk politiet melding om dårleg framkome i Smiebakken fordi det vert parkert på begge sider av vegen.
– Dette kan gjera det vanskeleg for ambulanse og andre utrykkingskøyretøy å passera, påpeikar politiet.
Artikkelen held fram under annonsen.
Patrulje var på staden ca kl 15.30. Då skal det ha sett greit ut.
– Dette er kanskje mest aktuelt på dagtid, og folk i området vert oppfordra til å parkera med fornuft og etter gjeldande reglar, seier vakthavande.
Kl 19.15 tysdag kveld vart det meld om ein hjortepåkøyrsel ved barnehagen i Hegglandsdalen. Ettersøksringen vart varsla.
Kl 21.20 same kveld fekk politiet melding om «opne flammer inne i eit hus i Skeisheia».
– Naudetatane rykte ut, men det viste seg raskt at det berre var nokon som fyrte i omnen. Frå avstand såg det ut som om det var opne flammar inne i huset, då huset elles var mørklagt, fortel vakthavande.
