Bilbrann: — Då vi kom til staden, var det full fyr i bilen og føraren stod midt i vegen

Det er starta sløkking av ein bil som brenn på Hålandsdalsvegen. Det skal vera fare for spreiing om vindretninga endrar seg.

— Det er vindstille på staden no. Om vinden tek seg opp, skal det vera ei viss fare for spreiing til skog ved sida av. Det er starta sløkking med skum, og det ser ut til å ha bra effekt. Brannvesenet er på veg med tankbil, fortel operasjonsleiar i Vest politidistrikt, Per Algerøy.

Politiet var på staden klokka 15.11. Då hadde det kome inn melding om bilbrann på Hålandsdalsvegen.

— Bilen stod i retning Mundheim. Det var full fyr i bilen då vi kom til staden, og føraren stod midt i vegen. Vedkomande skal ha fått i seg litt røyk. Det er litt kø på staden, fortel Algerøy.