Bistår i skogbrann-sløkking
Os brannvesen bistår no med å sløkka skogbranntilløp i Hausdalen ved Kalandseid.
Som næraste brannstasjon i området var mannskap frå Os brannvesen tidleg framme ved det som er eit skogsbrann-tilløp i Hausdalen.
Brannvesenet kunne kjapt melda frå om at det ikkje såg ut til å vera mykje flammar.
Artikkelen held fram under annonsen.
- Eg fekk nett melding her frå mannskapet vårt. Det verkar å vera mykje røyk, men lite flammar. Elles melder dei at det er lite hus i området det er snakk om, fortel brannsjef Stein Gjøsund.
Han legg til at det er vanleg at Os brannvesen bistår Bergen brannvesen når det er brann i bergensområde som ligg nært opp mot Os kommune.
- Me sende av garde tankbil, samt ATV med tilhengjar og fire brannmenn. Etter det eg forstår ser det ikkje ut til å vera så omfattande, sa Gjøsund til «Os og Fusaposten» klokka 13.30 onsdag.
