Bjørnafjorden SV er optimistiske: Drøymer om 800 stemmer
I 2015 var dei på valvake i Bergen. I år håpar SV-arane i Os og Fusa at stemninga blir best på Øyro.
– Det sa vel litt om forhåpningane då me reiste til Bergen for valvaka i 2015. I år er stemninga meir positiv, og me føler verkeleg at me har grunn til å vera på Øyro, seier Hege Bjørnør i SV.
I 2015 fekk dei 1,7 prosent av stemmene. På dei siste målingane har partiet lagt på opp mot 3 prosent.
Artikkelen held fram under annonsen.
Totalt 35 SV-arar var venta i andre høgda i Kløvertun denne kvelden.
– I tillegg kjem eit par stykk frå Raudt til å vera med oss, seier Bjørnør.
Drøymer om 800 stemmer
Os & Fusaposten treffer dei fire første som har teke turen til valvakelokalet i Kløvertun kring halv sju. Stemninga er svært så munter og optimistisk.
– Me har vel hatt eitt mandat inne i kommunestyret på alle dei siste målingane, så det lover jo veldig bra, seier Heges son og parti-kollega, Oddne Bjørnør.
– Men de drøymer kanskje om fleire?
– Om det går verkeleg bra og me får kring 4 prosent av stemmene, det vil seia kring 800, då får me to mandat inn i det nye kommunestyret. Det hadde vore kjempekjekt, seier Hege.
– Det hadde det, men det skal kanskje halda litt hardt, seier Oddne.
– No må ikkje du vera negativ før det heile startar, ler Hege.
Artikkelen held fram under annonsen.
kenneth.svenningsen@osogfusa.no