Blei stoppa av politiet. Skal ha erkjent bruk av narkotika

Politiet har oppretta sak.

Rett før klokka 19 fredag kveld, blei ein bil stoppa i området Hagavik. Bak rattet sat ei kvinne i 40-åra.

— Kvinna verka å vera rusa, og erkjente å ha innteke narkotika, opplyser operasjonsleiar i Vest politidistrikt Tatjana Knappen.

Kvinna blei teken blodprøve av. Forholdet er meld og førarkortet er beslaglagt.

Promillekontroll på Ulven

Natt til laurdag stilte politiet seg opp ved Ulvensletta for å utføra promillekontroll.

— Det var ikkje mange som blei kontrollerte. Sju i talet. Det var ikkje noko å reagera på her. Det er veldig bra, seier Knappen.