Brann i einebustad
Like før klokka halv to fekk brannvesenet i Os melding om brann i eit bustadhus som ligg tett inntil skog i Hegglandsdalen.
Etter lang tids tørke og strålande sommarvêr var brannvesenet uroa for at det skulle ta fyr i skogen bak huset som brenn.
– Vi sendte inn røykdykkarar og la ut slangar på baksida av huset for å prøva å hindra spreiing, fortel varabrannsjef i Os, Arne Monsen.
Artikkelen held fram under annonsen.
Ifølgje brannvesenet brenn det i andre etasje av huset.
– Vi har kontroll på brannen. No er det snakk om å berga det som bergast kan, seier Monsen og legg til at alle var ute av huset då dei kom til staden.
Det er for tidleg å seia noko om årsaka til brannen. Brannen vart oppdaga av ein bebuar.
– Det var ingen inne i huset då det starta å brenna, men ein person er sendt til legevakt for sjekk, fortel innsatsleiar i Vest politidistrikt, Ole-Marius Røttingen.
camilla.kvamme@osogfusa.no