BT: Onsdag skjedde det igjen
– Ein kan tenkja seg korleis ein frontkollisjon mellom to bilar i slik fart ser ut.
BT skriv at det denne veka var nok eit tilfelle av bil i feil køyreretning i 100-sonen i Lyshorntunnelen.
Avisa har snakka med Dag Gjertsen som på veg heim frå jobb onsdag 'fekk ei oppleving han seint vil gløyma'. I 100-sonen midt i Lyshorntunnelen skal ei kvinne ha kome køyrande mot han i feil køyreretning.
Artikkelen held fram under annonsen.
Kvinna skal ha prøvd å snu i ein av tunnelens naudlommer.
– Eg møtte bilen midt i tunnelen, så føraren må ha køyrd i nesten fem minutt før ho bestemte seg for å byta køyreretning, seier Gjertsen til BT.
– Utruleg farleg, konstaterer Atle Olav Heradstveit i bergenspolitiet.
– Ein kan tenkja seg korleis ein frontkollisjon mellom to bilar i slik fart ser ut. Vi snakkar om fatale dødsulukker, seier politioverbetjenten.
