- Ei tid for alt
Aktivitetshuset på Nore Neset droppar Nore Neset-dagane og vil heller satsa på mindre arrangement.
- Det er ei tid for alt. Nore Neset-dagane var flotte arrangement, men dei var store og svært ressurskrevjande. No vil me heller satsa på fleire mindre, og kanskje lit nyare type arrangement, seier dagleg leiar i Nore Neset Aktivitetshus, Karin Bøyum.
Det er 30 år sidan norenesingane hadde sine første Nore Neset-dagar. Men frå aktivitetshuset stod ferdig i 2002 til og med i fjor haust, har det store arrangementet gått av stabelen ei heil helg.
Artikkelen held fram under annonsen.
- Det har vore veldig kjekt, men det har også vore omfattande og tidkrevjande. No har styret i NNA bestemt seg for å leggja arrangementet på is, så får me heller bruka tid og krefter på andre ting framover, seier Bøyøum.
Stort julemarknad
Blant komande arrangement i aktivitetshuset på Nore Neset er blueskveld og julemarknad.
Blueskvelden går av stabelen 22. oktober. Arrangementet finn stad i Symrasalen og Steinar Lyssand og Dag Bergesen vert musikarar og vertar for kvelden.
Første helga i desember vert det stort julemarknad.
- Julemarknaden vert eit stort arrangement som vil gå over to dagar. Då vil me nytta Symrasalen og gymsalen på barneskulen. På plassen i mellom tenkjer me å laga ei lang julegate med telttak over, fortel Bøyum.
