Etter 13 månader og 50.000 vaksinedosar er det slutt
Onsdag går den aller siste massevaksinasjonen i Oshallen og Fjord'n senter av stabelen.
Etter 13 månader og over 50.000 sette koronavaksinedosar, blir fyrstkomande onsdag, 23. februar, den siste dagen med massevaksinasjon.
Du kan bestilla time eller koma innom til drop-in-vaksine.
Artikkelen held fram under annonsen.
Det melder Bjørnafjorden kommune på si heimeside.
Etter dette kan du få koronavaksine hos legen eller på enkelte apotek. Koronavaksinen er gratis.
For låg etterspurnad
12.300 bjørnafjordingar, eller om lag halvparten av dei som bur i kommunen, har fått tredje vaksinedose.
Av dei over 65 år, er godt over 90 prosent vaksinerte med tre dosar.
— Når så mange er ferdigvaksinerte, er det rett og slett for låg etterspurnad til å halda fram med denne typen massevaksinering, seier kommuneoverlege Klaus Melf.
