Ikkje lov: Politiet meiner at auken i trafikken opp Holtbrekka skjer grunna vegarbeidet på Byvegen. Dei minner om at det ikkje er lov med gjennomkøyring her, og at ein skal bruka planlagt omkøyring via Moberg. Foto: Kenneth Svenningsen

Får meldingar om uvanleg høg trafikk. — Det er forbod mot gjennomkøyring her

Stenging av Byvegen er truleg årsaka til trafikkauken i Holtbrekka.

Benjamin Søgnen Olsen benjamin@osogfusa.no

Publisert: 09.11.2023 10:27 Sist oppdatert: 10:27

Politiet opplyser om at dei får meldingar om uvanleg mykje trafikk i området Holtbrekka. Dei meiner at auken truleg skuldast vegarbeidet i Byvegen, som måndag kveld blei stengd fram til jul.

— I går ettermiddag blei det meld om eit trafikkuhell då ein bil skulle snu og kom borti to parkerte bilar. Politiet minner om gjennomkøyringsforbod i området. Bruk planlagt omkøyring via Moberg, skriv politioverbetjent Atle Birkeland i ein e-post.