Fare for ras fører til stenging av Ole Bulls veg
Denne helga kjem ein seg ikkje over Søvikåsen.
Laurdag morgon stengde Ole Bulls veg (Søvikåsen) for trafikk. Vegen blei stengd klokka 8, opplyser Bjørnafjorden kommune på heimesida si.
Kommunen skriv at årsaka er store nedbørsmengder og fare for ras.
Artikkelen held fram under annonsen.
Det har med åra vore fleire ras i Søvikåsen, og det er ikkje uvanleg at vegen blir stengd under vêrforhold som no.
Kommunen opplyser at vegen opnar for trafikk over helga, måndag klokka 08.00.
Vegen kjem til å stengja permanent for trafikk når prosjektet Åsen — Helleskaret er ferdig. Etter planen skal vegen stå ferdig sommaren 2025.
