Fatta mistanke då MC-førar stakk til skogs

Politiet fekk seg ein skogstur i samband med trafikkontroll på Søfteland onsdag.

Litt før klokka 21 onsdag kveld gjennomførte politiet ein trafikkontroll på Søfteland. Der var det fokus på dokumentasjon og promille, opplyser politioverbetjent Anne Lyssand ved Bjørnafjorden politistasjon i ein e-post.

— Medan politiet stod og kontrollerte, kom ein MC køyrande, og stakk til skogs. Ein 15 år gamal gut er mistenkt for køyringa og sak blei oppretta, skriv Lyssand.

Det har ikkje lukkast Os & Fusaposten å få tak i politiet på telefon for ytterlegare kommentarar.

Parkert bil påkøyrd

Politiet fekk melding om at ein bil som stod parkert hadde blitt påkøyrd. Meldinga kom inn i 12-tida onsdag.

— Ein mann i 80-åra tok seinare kontakt med eigar av den påkøyrde bilen og ville ordna opp. Køyretøyet hadde fått skader på sida, skriv Lyssand.