Fekk du med deg F35 i julestjerne-formasjon over Bjørnafjorden?

Luftforsvarets F35-fly skapte julestemning over Bjørnafjorden i formiddag.

Mange av våre lesarar kunne litt over klokka 12 sjå 12 F35-jagarfly i julestjerne-formasjon over Bjørnafjorden.

Turen, som var varsla på Luftforsvarets Facebook-side, starta frå Ørlandet utanfor Trondheim klokka 11.

Deretter gjekk turen over Brekstad, Trondheim, Kristiansund, Molde, Ålesund, Førde og til slutt Bergen.

Motorlyden frå flya fekk nok mange til å kika opp på himmelen. Og i dagens vakre solskin, var det rett og slett eit spektakulært syn.

Om det sikra julestemninga, er meir usikkert.

Adventstradisjon

I fylgje Teknisk Ukeblad har det blitt ein tradisjon at Luftforsvaret flyr julestjerneformasjon når det nærmar seg jul.

Det skal vera snakk om den største formasjonen av F35-fly nokosinne her til lands.