Fekk melding om at to ungdomar var ute på isen

Tidlegare i dag åtvara is-målar John Lepsøy om at isen ikkje var trygg. I ettermiddag fekk brannvesenet melding om at det skulle vera to ungdomar ute på isen på Ulvenvatnet.

John Lepsøy fortalde tidlegare i dag at isen på vatna i Os knapt var 8-10 cm tjukk. Ifølgje iseksperten er dette fleire cm for lite til at isen kan reknast som trygg.

Dette er det naturleg nok ikkje alle som har fått med seg enno, og for mange kan isen sjå trygg og solid ut, spesielt i mørket.

Klokka kvart på fire i ettermiddag måtte folka i Os brannvesen ned til Ulvenvatnet etter melding om to personar som var observert gåande på isen.

Dei var likevel ikkje å sjå då brannvesenet kom til staden.