Ferjesamband har opna att etter morgonstopp
Teknisk feil skapte problem i morgontimane.
Hatvik-Venjaneset går som normalt frå klokka 8.25. Det melder Fjord1 på si heimeside.
Ferja vart tidlegare i dag innstilt inntil vidare etter teknisk feil med ferjebrua på Venjaneset.
Artikkelen held fram under annonsen.
– Det er usikkert kva feilen er, men mest sannsynleg er det utfordringar med hydraulikkanlegget, opplyste regionleiar Tor Kristoffersen i Fjord1.
Reparatørane er no ferdige på staden.
Det skal ikkje ha vore nokon alvorleg feil, og det gjekk heldigvis raskt å utbetra den.
