Ferjesamband vert innstilt grunna sjukdom

Det melde Fjord1 onsdag kveld.

Hadde du tenkt deg over til Tysnes frå Halhjem ferjekai onsdag kveld eller torsdag morgon, må du finna ein annan veg.

Fjord1 melder om at ruta Halhjem — Våge er innstilt grunna sjukdom. Dette gjeld frå onsdag kveld klokka 20.30 til torsdag formiddag klokka 11.30.

Etter dette skal det vera attende til vanleg rute.

Onsdag føremiddag var det utfordringar på same samband. Då var det driftsproblem som var årsaka til innstilling. Den meldinga kom kring klokka 11.30. Det blei meld om normal drift frå klokka 13 onsdag.