Fleire har mista vatnet etter akutt vassleidningsbrot

Bjørnafjorden kommune jobbar med å utbetra skaden, men melder at fleire på Holdhus kan koma til å mista vatnet.

Oppdatert klokka 15.10: Teknisk vakt opplyser at ho per no ikkje har oversikt over kor mange husstandar som er råka, eller kva tid dei kan rekna med å få vatnet attende.

Klokka 13.43 melde kommunen på si heimeside om eit akutt vassleidningsbrot i Holdhusområdet.

Vidare opplyser dei at det vert jobba med utbetring.

For nokon er vatnet stengt av. Andre har framleis vatn, då dei blir forsynt frå vasstanken på Hovdalia.

— Når den er tom, vil det bli brot i vasstilførsla for dei fleste i området, heiter det på heimesida.

Saka vil bli oppdatert.