Framleis mange ledige plassar til bordsetting nummer to
I samarbeid med Havnechefen restaurant inviterer Os Kyrkjelyd til romjulstreff og middag i ettermiddag. Til bordsetting nummer to er det mange ledige plassar.
Os Kyrkjelyd har i årevis hatt tradisjon for å invitera til treff i Tunet i romjula. I år er første gong dei også kan by på full julemiddag.
— I samarbeid med Havnechefen inviterer me i dag til full julemiddag. Det blir tradisjonell meny med pinnakjøtt og kålrabistappe med riskrem og raudsaus til dessert, fortel diakon Ingrid Vik.
Artikkelen held fram under annonsen.
Grunna omsyn til koronasmitta køyrar dei to bordsettingar.
— Me har mat til 100 stykkj, men for å sikra at folk sit med rett avstand, blir det to bordsettingar. Den første startar no klokka 14.00. Den andre er klokka 17.00 i ettermiddag.
— Send SMS og meld deg på!
Til den første bordsettinga hadde dei fått inn 42 påmeldingar. Til den andre var det få som til då hadde meldt seg på.
— Fint om de i lokalavisa kan få ut dette så snart som mogeleg, slik at folk kan få høve til å koma. Det er jo ikkje berre snakk om å få mat. Det er også eit høve til å koma seg ut og helsa på andre og vera litt sosiale. Me ønskjer sjølvsagt at flest mogeleg kjem, seier Vik.
Til den første bordsettinga blir det nissebesøk og musikalsk innslag ved Gro og Torgeir Skjælaaen. Til den andre bordsettinga kan det tenkjast at det blir litt enklare program.
Men om du finn ut at du vil dra. Send SMS til Ingrid Vik på 450 51 212 og med deg på
