Gravemaskinførar teken med promille: — Han lukta alkohol
Blei teken med til legevakta for blodprøve.
Fredag morgon klokka 07.14 skal politiet, ifølgje politioverbetjent Anne Lyssand, ha vore ute i felten i samband med ei anna sak, då dei kom over ein gravemaskinførar som dei kontrollerte.
— Han lukta alkohol. Føraren av gravemaskinen blei teken med til legevakta for blodprøve etter å ha blåst til over lovleg verdi, seier Lyssand.
Artikkelen held fram under annonsen.
Gravemaskinføraren, ein mann i 50-åra, skal ha vore i arbeid då politiet kontrollerte han.
— Det er oppretta sak. Det er gjort førarkortbeslag, noko føraren ikkje samtykka i, fortel Lyssand.
Vest politidistrikt skriv på Twitter at det i tillegg til førarkortbeslag er tatt beslag i kompetansebevis.