Har du sett ein slik skuter?
Bjørnefjorden Golfklubb saknar to golfskuterar etter hærverk og tjuveri i golfklubben natt til måndag.
– Natt til måndag var det uvedkomande oppe i golfklubben. I tillegg til å øydeleggja tenningslåsen på ein arbeidsbil, stal dei også nokre elekstriske skuterar, opplyser politiførstebetjent i Os og Austevoll lensmannsdistrikt, Rune Fimreite.
I utgangspunktet var det tre skuterar som var borte, men den eine er funnen att. Skuterane har ifølgje politiet ein verdi på kring 20.000 kroner.
Artikkelen held fram under annonsen.
– Skuterane vert nytta av folk som er rørslehemma for å koma seg rundt på golfbanen, opplyser Fimreite.
Politiførstebetjenten seier at politiet ønskjer å koma i kontakt med folk som kan ha gjort observasjonar av personar eller bilar på, eller i tilknyting til, golfbanen på Hauge seint søndag kveld eller natt til måndag.
– Vona er at skuterane som er sakna også vert funnen, seier Fimreite.
Os lensmannskontor kan kontaktast på telefon 56303900.
camilla.kvamme@osogfusa.no
