Ulukke i Lepsøykrysset: 3 vaksne og 3 barn involverte
Fem personar skal vera køyrde til legevakta.
To bilar har vore involverte i ei ulukke i Lepsøykrysset fredag ettermiddag.
Brannvesenet melde kl 15.30 at dei var framme på ulukkesstaden. Politi og helse rykte også ut.
Artikkelen held fram under annonsen.
Tre vaksne og tre barn skal ha vore involverte. Det skal vera snakk om ei påkøyring bakfrå.
Alle var raskt ute av bilane sine. Dei involverte vart sjekka av helsepersonell. Fem av dei skal no vera sende til legevakta for sjekk.
Begge bilane skal ha køyrd på Halhjemsvegen. Ulukka skal ha skjedd då den fremste skulle svinga inn på Lepsøyvegen.
Bilbergar er på veg for å henta begge køyretøya.
Det var stans i trafikken på staden, og lang kø i begge retningar. Kl 16 er det framleis manuell dirigering på staden.
