Har nådd 300 underskrifter: – Det første steget for å gjera Bjørnafjorden meir inkluderande
Innbyggjarforslaget frå Bjørnafjorden Pride kom i mål på tre døgn, og skal no handsamast i kommunestyret.
Førre veke kom organisasjonen med eit innbyggjarforslag. Dei ønskjer ein handlingsplan for mangfald og inkludering.
Samla dei 300 underskrifter, er kommunestyret lovpålagt å handsama forslaget. Det har dei no lukkast med. I kommunestyret torsdag var det fleire politikarar som utrykte seg positivt, som fortalte at dei sjølv hadde skrive under, og oppmoda fleire til å gjera det.
Artikkelen held fram under annonsen.
Det var i samband med interpellasjonen til Magne Djuvik, som ba kommunen om å «tydeleg anerkjenna naturens to kjønn».
– Takk til alle som har signert. Takk til alle som har hjelpt oss med å dela innbyggjarinitiativet og takk til alle politikarar som heia på oss frå talarstolen på kommunestyremøtet torsdag. Dette er første trinn til å gjera Bjørnafjorden til ein meir inkluderande kommune. skriv Bjørnafjorden Pride på Facebook.
