Veit truleg årsaka til grasbrannen nær Er-An
Eit område på 30 x 40 meter brann ned tysdag ettermiddag.
Meldinga i halv fem-tida tysdag gjekk på grasbrann like ved Osvegen nokre hundre meter frå kommunegrensa.
Det var ingen bygningar i umiddelbar nærleik til brannstaden, og politiet og brannvesen kom raskt fram.
Artikkelen held fram under annonsen.
Brannvesenet fekk kontroll på brannen og dynka det 30 x 40 meter store området i etterkant.
Klokka 17.10 melder politiet på Twitter at årsaka truleg er gneistar frå eksosrøret på ein traktor.
Politiet opprettar sak.