Helsedirektoratet ventar lokal spreiing av koronaviruset
32 personar var tysdag morgon smitta av koronaviruset i Noreg. Helsedirektoratet ventar lokal spreiing av viruset dei neste dagane.
– Vi går inn i ein ny fase av virusutbrotet, sa direktør Bjørn Guldvog i Helsedirektoratet på ein pressekonferanse tysdag formiddag.
Han seier at direktoratet ventar risiko for lokal spreiing enkelte stader dei neste dagane.
Artikkelen held fram under annonsen.
– Derfor treng vi eit tett samarbeid med folket, sa han vidare og oppmoda folk til å vaske seg på hendene, og dessutan om å bli heime dersom ein føler seg dårleg.
