Innsamling til brannskadde born i Etiopia
Det er fullt engasjement i Fusaprosjektet «Hjelp brannskadde born i Etiopia». Laurdag vert det innsamling i Strandvik og Eikelandsosen.
Vi har lese at Teddyekspressen er i gang, og første ladning med teddiar vert sendt med elevar frå Fusa vidaregåande skule til Addis Abeba i Etiopia seinare i februar. Bruktbuo har stort hjarte for saka og støttar arbeidet. Fusa kommune, fleire bedrifter og mange enkeltpersonar har gitt gåve til dette arbeidet.
No på laurdag er der ein del konfirmantar som skal samla inn pengar til hjelp for brannskadde born i Etiopia. For kr 6.000 vil ein kunna gje eit brannskadd barn nytt håp om eit mykje betre liv. Konfirmantane vil stå med bøsser på Joker i Strandvik og i Fjord’n senter i Eikelandsosen.
Artikkelen held fram under annonsen.
Konfirmantane håpar mange vil koma og støtta opp om innsamlinga. Det er fint om du har kontantar, men det er mogleg både å vippsa og betala inn på Fusa sokneråd sin gåvekonto.
Velkomen til å slå av ein prat - og til å støtta opp om arbeidet med å hjelpe brannskadde born i Etiopia.
