Invitert til God morgen, Norge for å snakka om sin store lidenskap
I morgon tidleg er det ein ekstra, lokal grunn til å slå på TV2.
Då er nemleg Siw Bugge Gjerdevik Kolstad invitert til morgonsendinga til tv-kanalen.
– Eg kjenner på stoltheit og er audmjuk over invitasjonen, skriv matentusiasten på Instagram.
Artikkelen held fram under annonsen.
Stadig fleire faste kundar gav «Mat fra hjertet»-kokken mot til å satsa endå større sist haust. Då tok ho steget og flytta frå skulekjøkenet på Nore Neset ungdomsskule til det kombinerte kjøkenet og selskapslokalet i andre etasje av Os Servicesenter.
Trass viltrettar og anna knask på menyen, tenkjer mange fyrst og fremst på rå mat og sunne, naturlege matvarer når dei høyrer «Mat fra hjertet».
Siw har valt å samla desse rettane under varenamnet «SiwRaw».
Og i morgon skal ho få snakka om lidenskapen sin på TV. Lukke til, Siw!
