Kø etter betongbilvelt
Ein betongbil har velta i éin av svingane opp mot Vallaheiane, på Nesttunsida. Velten fører til kø i begge retningar på Osvegen.
Politiet fekk melding om ulukka klokka 11.15.
- Naudetatane er på staden. Føraren har kome seg ut. Svært glatt på staden. Trafikale problem. Berging vil ta tid, laud meldinga på Twitter kort tid etter.
Artikkelen held fram under annonsen.
For augneblinken er det ifølgje operasjonsleiar Arve Samssonsen manuell dirigering på staden, men vegen vil bli heilt stengt når berginga startar.
- Vi må ha ein pumpebil til å tømma bilen for betong før berginga kan starta. Det vil ta tid, seier Samsonsen.
Operasjonsleiaren oppmodar folk som skal ut å køyra på Osvegen til å velja alternative ruter som Hamrevegen eller Fanafjellet.
