Kommunen gløymde å stilla klokka

— Ja, eg antar det er det som har skjedd, seier eigedomssjef Dag Søfteland.

Vanlegvis opnar portane til parkeringsplassen på gamle Circle K-tomta klokka 8 presis.

Måndag morgon var plassen tom og portane låg framleis nede.

— Eg har nettopp fått beskjed og jobbar no med å få tak i rette instans så vi får ordna dette så fort som råd, seier Dag Søfteland som måndag bemannar teknisk vakttelefon på kommunen.

Som kjent stilte vi natt til søndag klokka fram ein time til sommartid. Søfteland reknar med det er dette som har finta portane.

— Ja, eg antar det er det som har skjedd.