Koronalegevakta flyttar til Moberg: - Vi opplever mindre pågang

Koronalegevakta og prøvetakingsstasjonen flyttar frå Røde Kors-huset til beredskapsbygget på Moberg.

Det opplyser kommunen.

Koronalegevakta og prøvetakingsstasjonen vil vera skilde frå den ordinære legevakta på Moberg for å hindra smittespreiing.

Kommunen opplyser at det vil bli sett opp ei brakke til konsultasjonar for pasientar med symptom på luftvegsinfeksjon. Prøvetakingsstasjonen blir sett opp på parkeringsplassen framom byggeplassen til den nye politistasjonen.

- Vi opplever mindre pågang av pasientar til koronalegevakta. Då ønskjer vi å utnytta bemanninga vår mest mogleg effektivt ved å flytta nærmare den ordinære legevakta, seier konstituert avdelingsleiar for Bjørnafjorden og Samnanger legevakt, Cathrine Aasen.

Koronalegevakta vi vera i drift frå onsdag denne veka.

Har du symptom på luftvegsinfeksjon og lurer på om du kan vera smitta av covid-19? Ta kontakt med fastlegen din eller legevakta på 116117 for meir informasjon om prøvetaking og legetenester.