Krangla i taxikøen

To menn vart bedne om å forlata taxikøen etter krangel natt til søndag.

Det var stort sett stille i Os og Fusa i helga, men eit par episodar der politiet vart involvert var det likevel.

I Lysefjorden vart ein ung gut laurdag kveld fråteke førarkortet etter å ha køyrd i grøfta med bilen sin. Guten, som er i 20 åra, vedgjekk på staden at årsaka til utforkøyringa var at han hadde teke ein handbrekksladd. Han er no meldt for uforsvarleg køyring.

I Os sentrum var det ein episode i taxikøen. Ein mann i 50-åra og ein mann i 20-åra byrja høglytt og krangla om kven som var først i køen. Det var nær å bli basketak mellom dei to, men politiet kom til og fekk roa gemytta. Begge ble bedne om å forlata plassen, noko dei etterkom.

Ingen av menna vart meldt for episoden.