Kuldetopp i natt – mildare neste veke
Etter ein kuldetopp i natt, vil det i løpet av neste veke bli 17 grader varmare.
Kuldeperioden, populært kalla «The beast from the east» pga. opphavet i Sibir, gjev kaldt vêr og sol også lokalt. I dag tidleg vakna fusingane opp til minus 12, og det same var tilfellet fleire stader i Os. Ifølgje vêrvarslartenesta storm.no kan det bli endå kaldare i natt. Kaldast skal det bli like før soloppgang – kl. 7.15 – med minus 15 grader på Osøyro. Deretter held det seg kaldt og fint til langt ut over neste veke, men gradvis nærmar temperaturen seg null.
Vêromslag?
Langtidsvarselet er usikkert, men ifølgje storm.no kjem det meir vante vêret med temperaturar like over og like under null. Neste fredag kan temperaturen blir to varmegrader, og skilnaden blir dermed 17 grader i høve til kva me har i vente i morgon tidleg.
Artikkelen held fram under annonsen.
ol@osogfusa.no
