Lastebil velta utanfor Lyshorntunnelen. – Vegen er open for fri ferdsel
Oppryddingsarbeidet er avslutta.
Det skriv Vegtrafikksentralen vest klokka 17.06.
Det var i føremiddag, i halv tolv-tida, at ein lastebil med varm asfalt velta mellom E39 Lyshorntunnelen og Råtunnelen. Vest politidistrikt melde om hendinga på X kl. 11.48.
Artikkelen held fram under annonsen.
Ulukka skjedde på påkøyringsrampen i Rådalskrysset i retning Bergen.
Føraren kom seg ut, og venstre felt mot sentrum vart opna igjen kjapt. Påkøyringsrampen derimot var stengt i fleire timar.
Først fem og ein halv time etter ulukka var tunnelen open for fri ferdsel, og oppryddingsarbeidet avslutta.