Lisbeth Axelsen er konstituert som kommunalsjef for Samfunnsutvikling
Det opplyser kommunen på sine heimesider.
- Arbeidet med å tilsetja ny kommunalsjef for Samfunnsutvikling held fram, og organiseringsprosjektet er i sluttfasen.
For å avlasta rådmannen, er Lisbeth Axelsen konstituert som kommunalsjef for Samfunnsutvikling fram til ny kommunalsjef er tilsett, heiter det på nettsida.
Artikkelen held fram under annonsen.
Kor lenge konstitueringa vil vara, beror på kva for organisasjonsmodell som blir vald og resultatet av rekrutteringsprosessen, heiter det vidare.
– Eg ser at eg er flaskehals i mange saker. Vi treng ein som kan ta dagleg drift, koordinera og vera ei støtte for avdelingsleiarane. Vi skal saman utforma ei stillingsbeskriving, og i utgangspunktet startar Lisbeth 1. oktober. Fram til ny kommunalsjef er tilsett, vil eg framleis sitja i plan- og bygningsutvalet og ha møte med utvalsleiar i forkant, uttalar rådmann Christian Fredrik Fotland.
Lisbeth Axelsen har vore leiar for Kultureininga i Os kommune, og er no rådgjevar i rådmannens stab.
jostein@osogfusa.no
