Mann gripen etter å ha trua ein annan mann

Politiet rykte ut etter melding om hendinga onsdag ettermiddag i 16-tida.

Onsdag ettermiddag blei ein mann i 40-åra gripen i Hagavik-området. Årsaka er at han skal ha trua ein annan mann.

— Mannen blei gripen og teken inn til avhøyr. Det er ikkje snakk om truslar innan familie eller naboforhold. Politiet etterforskar framleis saka, seier politioverbetjent ved Bjørnafjorden politistasjon, Anne Lyssand.

Natt til torsdag, kring klokka halv to, blei ein bil stoppa på Ulven. Der viste det seg at sjåføren, ein mann i 40-åra, køyrde utan gyldig førarkort. Bilen måtte parkerast på staden og det er oppretta sak.