Mann tiltalt for mishandling av si nyfødde dotter

Mishandlinga skal ha gått føre seg i ein månad.

Frå dottera blei fødd, skal faren — som er i midten av 20-åra — ha vore valdeleg mot dottera. Mannen er no tiltalt for brot på straffelova § 282 “for ved vald eller andre krenkingar, alvorleg, eller ved fleire tilfelle ha mishandla ein slektning i rett nedstigande linje“.

Brot på straffelova § 282 kan føra til fengselsstraff på seks år.

I tiltalen er det lista opp fleire tilfelle av vald. Faren skal ha kasta dottera fleire gonger opp i lufta. Han skal ha pressa ho hardt på magen og pressa armar og bein inn mot kroppen ved fleire høve. Barnet blei påført blåmerke på bein og mage, og blei påført eit brot på skuldra. Skadane skal ha blitt påført etter ei konkret hending ein månad etter at dottera kom til verda.

Saka skal opp i retten i midten av oktober.