Måtte avbryta fartskontroll grunna melding om slagsmål

Natt til søndag måtte politiet avbryta ein fartskontroll på Lyseklostervegen.

Søndag klokka 00.20 kontrollerte politiet bilar på Lyseklostervegen då det kom inn melding om slagsmål på Osøyro.

— Patruljen måtte avslutta då meldinga kom om slagsmål på bussterminalen i Os sentrum. Det var ingen til stades då patruljen kom dit, opplyser politioverbetjent ved Bjørnafjorden politistasjon, Christine Grindstein.

Det blei søndag på dagtid meld om at ein båthengjar skal ha blitt stolen frå Os Seilbåtforening i løpet av den siste veka.

Ein ungdom blei søndag kveld meld for køyring utan gyldig førarrett og med uregistrert moped.

— Forholdet er erkjent og foreldre er varsla, opplyser Grindstein.