Gras- og terrengbrann på Fusa sløkt. – Mannskapa er på plass og dynkar terrenget
Brannen vart ifølgje varabrannsjef Erik Walden sløkt av lokale på staden.
Klokka 17.49 sendte 110-sentralen Vest ut ei melding på X om brann i terrenget på Fusa.
– Det er snakk om ein gras- og terrengbrann, opplyser varabrannsjef Erik Walden til Os & Fusaposten.
Artikkelen held fram under annonsen.
Brannen var lokalisert til Opsalmarka, og skal ha starta 20 meter frå ein fritidsbustad.
– Det er andre einebustader i nærleiken også. Lokale klarte å sløkka brannen med ein hageslange, fortel Walden.
Ettersom det er varmt og fint, og svært tørt ute, vart mannskap frå både Eikelandsosen, Fusa og Os sendt i retning Opsalmarka.
– Vi er litt på allerten for tida. Mannskapa er på plass og dynkar terrenget ekstra godt, seier Walden og legg til at dei har kontroll på staden.
– Heldigvis vart brannen sløkt kjapt, seier han.
Varabrannsjefen veit førebels ikkje kva som er årsaka til at det byrja å brenna.