Motorsykkel involvert i ulukke i Strøno
Førar er vaken og bevisst, men har smerter i overkroppen.
Klokka 16.46 fekk politiet melding om at ein motorsyklist hadde sklidd og velta på Strønevegen.
Politi og ambulanse kom raskt til staden. Den mannlege føraren var vaken og bevisst, men klagde på smerter i overkroppen. Han vert behandla av helsepersonell på staden.
Artikkelen held fram under annonsen.
Politiet opplyser at føraren hadde hjelm. Vidare medisinsk behandling vil skje enten på Os legevakt eller ved Haukeland Universitetssjukehus.
– Motorsykkelen er trilla opp på eit fortau og trafikken glir greit på staden, opplyser vakthavande ved Politiets operasjonssentral.
