NRK kjem med valferje
NRK Hordaland vil reisa rundt i heile fylket med ferje og samla lokalpolitikarar til debatt. 28. august kjem dei til Os.
- NRK Hordaland slår på stortromma og skal ha debattar frå absolutt alle kommunane før kommune- og fylkestingvalet 14. september, seier NRK Hordaland i ei pressemelding.
Radio, fjernsyn og internett
Debatten vert sendt på radio, fjernsyn og internett. I tillegg til lokalpolitikarane, har dei invitert ungdomar frå dei vidaregåande skulane som både skal vera med i debatten og vera publikum.
Artikkelen held fram under annonsen.
- Det er og plass til publikum om bord i ferja der nettsendingane går frå. Radiosendingane går frå kaia, der ønskjer me folkeliv og rør, heiter det i pressemeldinga.
