Ny kurator ved Oseana
Oseana kunst- og kultursenter har torsdag tilsett Evelyn Holm i stillinga som kunstformidlar og kurator ved Oseana Kunst- og Kultursenter.
Holm er utdanna kunsthistorikar og har brei erfaring frå arbeid med kunstfeltet, heiter det i ei pressemelding frå kunst- og kultursenteret.
Holm har blant anna vore rådgjevar ved Seksjon for kunst og kultur i Bergen kommune, utstillingsleiar ved Hordaland Kunstsenter, i tillegg til at ho i 2014 avslutta eit treårig engasjement som direktør for den den gong nyoppretta internasjonale triennalen for kunst og forsking, Bergen Assembly.
Artikkelen held fram under annonsen.
- Evelyn Holm er ein person med akkurat den erfaringa og kompetansen vi treng for å vidareføre utviklinga av kunstdelen i Oseana. Vi vil også nytta høvet til å takka Marianne Gathe for det arbeidet ho har gjort dei siste to åra. Vi går ei spanande tid i møte, seier direktør Ole Tobias Lindeberg.
