Nye undersøkingar i Frantzen-saka
14 år etter at Trine Frantzen forsvann gjer politiet no nye undersøkingar for å koma til botns i kva som skjedde med osingen.
Det er Dagbladet som skriv om dette i dagens utgåve. Ifølgje avisa har politiet i Bergen starta nye undersøkingar kring Frantzens forsvinning som følgje av nye opplysningar i saka.
– Innhaldet i tipsa me får inn varierer, men me har fått inn opplysninger som gjer at me ønsker å sjå nærare på ein del ting og gjera fleire undersøkingar. Me har også gjort fleire nye avhøyr i saka, seier påtaleansvarleg Ole Bjørn Mevatne til Dagbladet.
Artikkelen held fram under annonsen.
Lagt vekk i 2007
Trine Frantzen forsvann sporlaust i mai 2004. I ettertid fekk politiet sterk kritikk for ikkje å ha starta etterforsking i saka før om lag tre månader etter at ho vart meldt sakna.
I 2007 vart to personar, mellom anna Frantzens sambuar, sikta i saka, men denne saka vart lagt vekk grunna bevisets stilling.
Os og Fusaposten har ikkje lukkast med å koma i kontakt med påtaleansvarleg Mevatne onsdag.
kenneth.svenningsen@osogfusa.no