Oppblomstring av grove tjuveri: Fryktar at Vestlandet er neste stopp
Politiet går ut med åtvaring til alle med dyrt GPS-utstyr i anleggsmaskiner og landbruksmaskiner, og andre med dyrt posisjoneringsutstyr.
Det er i Sør-Øst politidistrikt at det er registrert ein oppblomstring av grove tjuveri av dyrt GPS-utstyr frå nemnde maskiner. Førebels er det registrert 7–8 hendingar. 28. mars blei det ved innlandet politidistrikt meldt om tjuveri av to komplette GPS-maskiner til ein verdi av 200.000-300.000 kroner per maskin. Agder politidistrikt hadde eit tilfelle av tjuveri av GPS frå parkert gravemaskin tidlegare i mars. Det er også blitt skrive om at etterforskar tjuveri av GPS-er verdt nesten to millionar kroner frå byggjeplassar i Tromsø-området. Førebels er det ikkje registrert nokre tilfelle i Vest politidistrikt. Politiet ønskjer å vera i forkant ved å få ut ei åtvaring.
Politiet skriv at tjuveri som oftast skjer om natta, og har ei liste med førebyggjande tiltak som kan hjelpa:
Artikkelen held fram under annonsen.
* Sikra dyrt utstyr når det ikkje er i bruk, ved til dømes å parkera traktorar/anleggsmaskiner/utstyr i videoovervaka område eller på eit sikkert område.
* Ta ut dyrt utstyr når traktorar/grave-/anleggsmaskiner blir forlate i eit lengre tidsrom, til dømes over natta eller i helga. Sjekk gjerne med eige forsikringsselskap eller leverandøren av utstyret.
* Hald jamleg auge med traktorar/grave-/anleggsmaskiner når desse er parkerte.
