Oppsiktsvekkjande melding frå UP etter ny kontroll i Endelausmarka

Torsdag stilte politiet seg opp tre ulike stader.

Frå klokka 17-19 hadde UP laserkontroll i Endelausmarka. Det vart gitt eit forenkla førelegg for 112 km/t i 100-sona. Det betyr 3.700 kroner.

— Elles melder UP om mykje pen køyring, fortel innsatsleiar Atle Birkeland ved Bjørnafjorden politistasjon.

Det er verdt å ta med seg, blant alle meldingar om råkøyring og diskusjonar om fotoboks eller ikkje.

Er-An og Lepsøyvegen

Mellom klokka 20 og 21 hadde politiet trafikkontroll ved ER-AN. Her var det ingen reaksjonar.

Frå klokka 20.40 – 22.40 var det ny kontroll i regi av UP. Denne gongen på Lepsøyvegen. Her vart det skrive ut fem forenkla førelegg for fart. Den raskaste vart målt til 68 km/t i 50-sona og må dermed ut med 6.000 kroner.